Friday, January 3, 2014

LED නාම පුවරු POWER SUPPLY ගෙදරම හදමු.

   LED නාම පුවරු නිෂ්පාදනයේදී තවත් වැඩි පුර කතා බහට ලක්වෙන මාතෘකාවක් වන්නේ බල සැපයුම් පරිපථයයි.නාම පුවරුවේ මොඩියුල හා CONTROLLER එක ක්‍රියාත්මක වීමට සුමටනය කල ස්ථාවර 5V විදුලි සැපයුමක් අවශ්‍ය වෙනවා.ඒකට සාමාන්‍යයෙන් යොදා ගන්නේ SMP බල සැපයුමක්.ඒ කියන්නේ සුවිචින් මෝඩ් වර්ගයේ එකක්.එය ට්‍රාන්සිස්ටර් හා IC ඇති සංකීර්ණ පරිපථයක්.එහි මිල ඉහල මට්ටමක තමයි තියෙන්නේ..ඇම්පියර් 20 ක SMP බල සැපයුම් යුනිට් එකක් වසරක වගකීමකුත් එක්ක පිටකොටුවේ නම් රු.2000.00 ක් වෙනවා.ඉතින් LED නාම පුවරු හදන්න පටන් ගන්න අයට ඉහල මිලක් දීලා මේවා මිලදී ගන්න එක තරමක ගැටලුවක්.ඔන්න මම අද ඔබව එම ගැටළු වෙනුත් නිදහස් කරනවා..මම අත්හදා බලා හොයා ගත්තා ඉතා සරලම බල සැපයුම් ඒකකය මේ සඳහා යොදා ගන්න පුළුවන් කියලා.හැබැයි මේක අත්හදා බැලීමට පමණක් වඩා හොඳයි කියලා මට හිතෙන්නේ.දවස පුරාම ක්‍රියාත්මක වන විදිහට මේක දානවනම් තව ටිකක් පරිපථය දියුණු කරන්න ඕනා..ඒ ටික පස්සේ කියන්නම්..එකියුවේ.වැඩි මොඩියුල ගණනක් දාලා ලොකු පුවරුවකට අඩු වියදම් බල සැපයුමක් හදන හැටි.
පරිපථයට අවශ්‍ය උපකරණ.
1.6V 0 6V/1A/full wave ට්‍රාන්ස්ෆෝමර් එකක්.
2.7805 රෙගියුලේටර් IC එකක්.
3.1N 4007 ඩයෝඩ් 2ක්
4.4700 uf/9v කන්ඩෙන්සර් එකක්.
5.2x1 ප්‍රමාණයේ ඇලුමිනියම් බොක්ස් බාර් අඟල් 2 ක කැබැල්ලක්.
6.වයර් කැබලි කීපයක්.
7.අඟල් 2x2 ප්‍රමාණයේ වෙරෝ බෝඩ් කැබැල්ලක්.

             මුලින්ම වෙරෝ බෝර්ඩ් කැබැල්ලේ පරිපථය එකලස්‌ කර ගන්න.7805 IC එකේ පාද මතක ඇතිනේ.එකේ ඉදිරි මුහුණත තමන් ගේ පැත්තට ඇල්ලුවාම වම් අත  පැත්තේ අග්‍රය ඉන්පුට් එක.මැද එක ඝෘන අග්‍රය.දකුණු පස එක අවුට් පුට් එක.ඒකෙන් තමයි 5V පිට වෙන්නේ.7805 IC එකේ ඉන්පුට් එකට 7V වලට වඩා දෙන්න එපා.7805 IC එක මගින් ඒකට ලැබෙන වෝල්ටීයතාවය ස්ථාවර 5V බවට පත්කරනවා.එය ක්‍රියාත්මක වනවිට එහි තාපය ජණනය වන නිසා හීට් සින්ක් අනිවාර්යයෙන් යෙදිය යුතයි.නැතිනම් ටික වෙලාවකින් එය දැවී යාවි.එමෙන්ම 7805 හීට් සින්ක් එකට සවිකරන විට හීට් සින්ක් කම්පවුන්ඩ් ස්වල්පයක් එහි පිට පැත්තේ ආලේප කිරීමටත් අමතක කරන්න එපා.
                    සියලුම කොටස් සවිකරලා මල්ටිමිටරයක් අදාරයෙන් එහි වෝල්ටීයතාවය පරික්ෂා කර බලන්න.නිවැරදි වෝල්ට් 5 ලැබේ නම් පරිපතයට සවිකරන්න.එක මොඩියුලක් සඳහා නම් මේ සකස් කල පරිපථය ගැලපෙනවා.තවත් මොඩියුල දානවා නම් මිට වඩා වැඩි ඇම්පියර් ගණනක් ඇති ට්‍රාන්ස්ෆෝමරයක් හා සමානන්තර ගත ලෙස සකස් කල 7805 IC යොදා ගත හැකියි.එමෙන්ම විශාල හීට් සින්ක් යෙදිය යුතු වෙනවා.හීට් සින්ක් ඉවතලන පරිගණක හා රුපවාහිනි යන්ත්‍රර වල පරිපත කොටස් වලින් ද ගලවා ගත හැකියි.හැබැයි තව ඔබට මෙහි වාසියක් තියෙනවා.ඔබ සකස් කල පරිපථයේ 7805 IC වල හීට් සින්ක් ලෙස ඔබේ LED නාම පුවරුවේ ඇලුමිනියම් රාමුවම යොදා ගත හැකියි.එය ක්‍රමවත් ලෙස රාමුව තුල සවි කල යුතුයි.එවිට ඔ‍බට හීට් සින්ක් ගැටලුවත් විසදෙනවා.
                       මෙම පරිපථය සකස් කිරීමට යම තරමක ඉලෙක්ට්‍රොනික් දැනුමක් අවශ්‍ය වෙනවා.ඔබට එය කල නොහැකිනම් මෙම උපකරණ ටික කඩෙන් අරගෙන TV RADIO රෙපයාර් කරන තැනකට දීලා සුළු මුදලකට එය එකලස්‌ කරගන්න.ලංකාවේ ඕනෑම නගරයක ඉලෙක්ට්‍රොනික බඩු විකුණන කඩවලින් මෙම උපකරණ ලබා ගත හැක.
වැඩි විස්තර සඳහා පහත රුප පෙළ නරබන්න.රුප ලොකුවට බැලීමට රූපය මත ක්ලික් කරන්න.


ඔබට ජය!
 

5 comments:

  1. good work

    ReplyDelete
  2. GOOD JOB
    ALL THE BEST

    ARUNA

    ReplyDelete
  3. current Out Vena Peththe Wire Miyo kala lu

    ReplyDelete
  4. 6v 4A transformer thiyenawada?board 4 kata danda?

    ReplyDelete
  5. mekadana eka echchara hoda wadak nemei.mokada 7805 pichchunoth direct 12v ma enawa.eth 5.1 zener dioad and fuse use karala meka diuinu karala ganna puluwan.7805 ekai thawa transister ekakui witharak dala 5A ganna puluwan.ae paripathaya ona kenek innawanam fb eken msg ekak danna. godak watina hoda blog ekak.good luck

    ReplyDelete